Gretsiä başqalasında bügen irtä belän politsiä bülege yanında öç bomba şartlatılğan. Binağa zarar kilgän, läkin zıyan kürüçelär yuq. Şartlawlar aldınnan bu xaqta, şähär gazetalarınıñ berse imzasız kisätü alğan bulğan. Politsiä bu şartlawnı anarxistlar oyıştırğan bulırğa tieş dip farazlıy. Alar şulay itep, bıyıl Afinada awgust ayında olimpiä uyınnarı ütkärügä qarşılıq belderä.
Premier-ministr Kostas Karamanlis bu xäl Olimpiada uyınnarın äzerläwgä täesir itmäyäçäk, digän ışanıçın belderde. Afen merı Dora Bakoyannis, bu şartlaw başqa illärdä dä kilep çığarğa mömkin bulğan oçraqlı xäl. Alarnıñ Olimpiada uyınnarına, şulay uq iminlek saqlaw mäsälälärenä bernindi dä mönäsäbäte yuq, dip belderde.
