Gaza sızığındağı Rafax şähärendä İzrail gäskärläre fälästinnär törkemenä ut açqan. 8 keşe hälaq bulğan, 40 keşe yaralanğan. Dönya cämägätçelegeneñ tänqitenä qaramastan, İzrail gäskärläre Gaza sızığındağı Rafax şähärendä xärbi operatsiäsen däwam itä. Soldatlar öydän öygä kerep tentü ütkärä. Fälästin suğışçıların, häm Mısırdan qoral kilä torğan cir astı yulların ezläw bik aqtiv bara. İzrailneñ bu xäräkätlären Berläşkän Millätlär oyışması, Yevropa Berlege, Ğäräp illäre Liğası gäyepläp çıqtı. Quşma Ştatlarda da Gaza sızığanda xällär xäwefle dip sanıy, läkin İzrailneñ terrorçılardan saqlanır öçen xoquqı bar dip, belderä.
