Bagdad. Bügen Ğiraqnıñ Baquba şähäre tirälärendä Quşma Ştatlarnıñ häm waqıtlı Ğiraq xökümäteneñ qorallı köçläre cirle ğısyançılar belän bäreleşlärdä alarnıñ 13-en yuq itte. Amerikan xärbiläre xäbärenä qarağanda, ber säğät däwam itkän şuşı bäreleşlär, ğısyançılarnıñ kizüdäge amerikan ğäskärilärenä ut açuı belän başlanıp kitkän. Atışlarda şulay uq Ğiraqnıñ ber politsiä xezmätkäre häm ber sivil keşe hälak bulğan. Bu xaqta Associated Press xäbär itä. Bagdadtan könçığışta, Ğiraqnıñ İran belän çige yanında Quşma Ştatlar köçläre, berektäşlärgä qorallı qarşılıq kürsätüdä şiklänelgän 15 keşene totqarlağan.
