Tönlä häm irtä belän Könyaq Osetiädä atışlar waqıtında gruzin yağınnan 3 xärbi häm ber tınıç keşe hälaq buldı. Gruziä prezidentı Mixäil Saaqaşwili Tbilisidä Milli iminlek şurasınıñ aşığıç utırışında çığış yasap, bolay dide: “Uzğan tön qorallı törkemnär Sxinwali tiräli gruzin awılları yünäleşendäge yulnı qulğa töşerergä tırıştı. Bezneñ tınıçlıq köçläre xärbiläre bu urınnan kitügä qarşı kilep berniçä säğät qarşılıq kürsätte. Näticädä gruziäneñ öç xärbie üterelde. Bu batır keşelär qaharmannarça hälaq buldı”.Könyaq Osetiäneñ mäğlümät qömitetı räise İrinä Ğağloyıwa süzlärençä, osetin yağınnan 30 keşe yaralanğan. Alarnıñ küpçelege tınıç xalıq.
