Amerikan oçqıçları bügen, inde 4-nçe kön rättän, ğisyançılarnıñ Fallucadağı nığıtmaların utqa tottı. Fallucadağı xastaxänä tabibı Äxmät Tair süzlärençä, bügenge xöcümnär näticäsendä ber keşe hälaq bulğan. Kiçä 9 keşe ülgän dielgän ide. Şiğilarnıñ Nacaf şähärendä bügen meñgä yaqın keşe şiği ruxani Moqtada Äs-Sadr häm anıñ tarafdarların şähärdän kitergä taläp itep protest çarası ütkärde. Tal-Afar häm Samarra şähärlärendä amerikan häm ğiraq xärbiläre ğisyançılarğa qarşı xöcümnären däwam itä.
