İtaliä häm Germaniäneñ Tönyaq Afrikada möhacirlär öçen lagerlar tözü täqdime mäs'äläsendä bügen dä Yevropa Berlege räsmiläre kileşä almadı. Fransiä eçke eşlär ministrı Dominique de Villepin, Fransiä ber nindi dä andıy üzäk yä lagerlarnı "qabul itmiäçäk" dip belderde. Täqdimgä şulay uq İspaniä eçke eşlär ministrı Jose Antonio Alonso da qarşı çıqtı. Bügen İtaliäneñ Florensiä şähärendä Germaniä, İtaliä, İspaniä, häm Britaniä häm Fransiä eçke eşlär ministrlarınıñ ike könlek oçraşuı tämamlandı. İtaliä häm Germaniä Tönyaq Afrikada qaçaqlarnı – çın qaçaqlar häm aqça eşlärgä kitüçelärne ayırır öçen maxsus üzäklär tözüne täqdim itkän ide.
