Ukraina prezidentı Leonid Kuçma, yäkşämbe könne ütäçäk saylawlarda kilmäwçelärneñ bülletennären qanunsız dip tabu turında parlament täqdim itkän qanun ölgesenä qul quyudan baş tarttı. Qanun proektı konsitusiägä qarşı kilä häm oppozisiä provokasiäse bulıp tora, dide Kuçma. Qanunnı yaqlawçılar – bu xärämläşülärgä qarşı adım ide, dip belderä. Oppozisiä wäkile, prezidentlıqqa namzät Viktor Yuşçenko, räsmi xakimiätlär anıñ köndäşe, Yanukoviçqa yardäm itsä – uram cıyınnarı oyıştıraçağı belän yanadı. Ukraina başqalasına yäkşämbe könne ütäçäk prezident saylawların küzäter öçen Amerika Quşma Ştatları Senatınıñ tışqı mönsäbätlär komitetı räise Richard Lugar häm Rusiä Däwlät Duması başlığı Boris Grızlov citäkçelegendä amerikan häm Rusiä wäkilläre kilde.
