Accessibility links

Кайнар хәбәр

Könayq Aziädä sunami häläkätendä qorbannar sanı 100 meñnän arttı


Könayq Aziädä sunami häläkätendä qorbannar sanı 100 meñnän arttı. Bügen İndoneziä räsmiläre Aceh töbägendä genä ülüçelär sanı 80 meñ çaması digännän soñ, Hind Okean illärendäge bar qorbannar sanı 114 meñgä citte. Häläkät illärenä zur külämdä humanitar yärdäm cibärelä, ämmä Berläşkän Millätlär oyışması bu yärdäm älegä bar moxtaclarğa barıp citmi, dip belderde. Barlığı yärdämgä moxtac 5 millionlap keşe bar sanala. Bügen İndoneziä prezidentı Susilo Bambang Yudhoyono xökümät epidemiä taraluğa qarşı çaralar kürä dip belderde:

Audio (Susilo Bambang Yudhoyono): "Epidemiä taraluın buldırmas öçen bez bik qatı eşlibez. İñ awır wazğiät Aceh häm Melabu töbäklärendä. Törle çaralar kürelä, küçmä xastaxanälär tözügä qädär."

Bügen Hindstan xökümäteneñ töbäktä yaña sunami ixtimalı bar digän kisätüe, bolay da aç-yalanğaç qalğan xalıqta qotqı uyattı.
XS
SM
MD
LG