Accessibility links

Кайнар хәбәр

Gruziä prezidentı Mixail Saakaşvili Yaña yılğa Ukrainağa kilde


Ukraina başqalasınıñ Bäysezlek mäydanına Yaña yılnı bäyräm iter öçen çıqqan yöz meñgä yaqın xalıqnı selämlärgä yaña saylanğan prezident Viktor Yuçenko häm Gruziä ilbaşı Mixail Saakaşvili kilde. 2003neñ noyaberendä tınıç inqilap näticäsendä xakimiätkä kilgän Saakaşvili, Ukrainada Yuçenkonıñ ciñüe – yaxşılıqnıñ ciñüe bulıp tora, dide: "Yevropanıñ kiläçäk yazmışı näq menä şuşı mäydanda xäl itelde. Yaxşılıq ciñde. Sez bezgä üzebezneñ, Gruzin revolüsiäsen iskä töşerdegez. Bez bik ğorurlandıq monıñ belän," dide Gruziä prezidentı Saakaşvili. Ukraina xalqı 3 tapqır prezidentnı sayladı. İkençe tur saylawlarda Noyaber ayında Yuçenkonıñ köndäşe Yanukoviç ciñüçe dip iğlan itelde, ämma tawış birü näticäläre qanunsız dip tabıldı. Kiçä Yanukoviç, premyer-ministr wazifasınnan kitüen, ämma säyäsättä qalaçağın belderde: "Min säyäsättä qalam, häm 21nçe noyaber saylawlarında qanun yulı belän ciñep çıqqan bäysez säyäsätçe bularaq eşçänlek alıp baraçaqmın...." Yanukoviç, 26 dikaberdä qabat ütkän prezident saylawları näticälären kire qağıp Ukrainanıñ yuğarı mäxkämäsenä möräcäğät itte.
XS
SM
MD
LG