Bügen Bahreyn başqalasında keşe xoquqların yaqlawçı oyışmalar oçraşuında qatnaşuçılar Farsı qultığındağı däwlätlärne xatın qız xoquqların bozunı tuqtatu öçen kiçekmäs çaralar kürergä çaqırdı.
Amnesty İnternational oyışmasınıñ Yaqın Könçığış häm Tönyaq Afrika bülege başlığı Abdel Sälam Sidahmät bu töbäktäge barlıq xökümätlär dä xatın qız xoquqlarınıñ bozıluı röxsät itelmäyäçägen açıq itep belderergä tieş dide.
Aktivistlar äytüençä, Farsı qultığında xatın qız xoquqların bozu turında ışanıçlı sannar yuq. Şulay da qädimçe, häm şäriät qanunnarı nıq bulğan cämğiätlärdä xatın qız xoquqların bozu kiñ taralğan dielä.
Xoquq yaqlawçılar bigräk tä Söğüd Ğärabstanı, Küwäyt, Bahreyn, Qatar, Berläşkän Ğäräp Ämirlekläre, Oman häm Yämän xökümätlärenä möräcäğät itep xatın-qız xoquqların kiçekmästän saqlarğa çaqırdı.
