Misırda oppozisiädäge Al-Ğad firqase citäkçese Ayman Al-Nur, partiäne terkäw öçen äzerlängän räsmi qağäzlärne falsifikasiäläwdä ğayeplänep 45 köngä törmägä utırtıldı. Üktäberdä oyışqan älege firqa, konstitusiägä üzgäreşlär kertüne täqdim itä, alar arasında - berdäm saylaw qanunı buldıru turındağısı da bar.
Al-Nurğa qarşı xökem eşe comğa könne başlandı. Şimbä könne ğayepläw belderelep ul törmä cäzasına xökem itelde. Bügen Al-Nurnıñ fidiä aqçasına çığaru möräcäğäte kire qağıldı. Oppozisiä citäkçese ğayepläwlärne nigezsez dip atadı.
