Rusiä Däwlät Duması xökümätkä ışanıçsızlıq belderügä qarşı tawış birde, döresräge deputatlarnıñ zur küpçelege tawış birüdä qatnaşmadı.
Utırışqa qadär premyer-ministr Mixail Fradkov, yul taşlamaların aqçağa alıştıru turındağı qanun ütäleşendäge citeşsezleklär öçen cawaplılıqnı üz östenä aldı. Xökümät reformalarnı oyıştıru häm ğamälgä kertü öçen tulısınça cawap totırğa tieş, dide Fradkov.
Rusiädä qoral satuçı däwlät qaramağındağı Ros-oboron-export şirkäte, 2004nçe yılda satış rekordına citüen xäbär itte. Şirkätneñ general direktorı Sergei Çemezov, Mäskäwdä uzğan matbuğat oçraşuında, uzğan yıl 5 milliard 120 million dollarğa qoral satılğan, dip belderde.
