Tähranğa kilgän Süriä premyer ministrı Naci äl-Otari belän söyläşülärdän soñ Xatami İzrail'gä işarä belän İran Zionist rejimğa qarşı köräşneñ alğı sızığında torğan Süriäne xörmät itä dide.
Ul şulay uq Tähran tınıçlıq yaqlı häm Yaqın Könçığışta kierenkelek telämi dide.
Kiçä äl-Otari İran belän Süriä çittän yanağan qurqınıçlarğa qarşı berdäm front buldırırğa tieş dide. Waşingtonnıñ soñğı arada ike ilgä dä basımnı arttıruın iskä alıp bu süzlär AQŞqa qarata äytelgän dip qarala.
