Accessibility links

Кайнар хәбәр

Putin Çeçnyada "qatı torırğa" quştı


Rusiä prezidentı Vladimir Putin Eçke Eşlär ministrlığına Tönyaq Kavkazda suğışçılarğa qarşı eşçänlekne arttırırğa quştı. Soñğı atnalarda Rusiäneñ iminlek köçläre Çeçnyada suğışçılarğa qarşı berniçä xärbi çara uzdırdı. Bügen Rusiäneñ federal iminlek xezmäte, soñğı çaralarnıñ bersendä Al-Qaidanıñ İnguşetiädäge wäkilläreneñ berseneñ mäyete tabıldı, dip xäbär itte. Tumışı belän Kuweittan bulğan Abu Dzeit isemle älege keşe, xäbärlärgä qarağanda, Rusiä köçlärenä eläkmäs öçen 5 kön aldan üz üzenä qul salğan. Bügen Qaraçay-Çerkes respublikasında iminlek çarası waqıtında ber suğışçı atıp üterelgän. Qaraçayevsk şähärendä bulğan älege çara waqıtında şulay uq çeçen suğışçılarına bäyle buluda şiklänelgän berniçä keşe qulğa alınğan. Rusiä eçke eşlär ministrı Räşid Nurğaliev, prezident Putin belän bulğan oçraşuda şundıy uq çaralar Dağıstan häm İnguşetiädä ütäçäk, dip beldergän.
XS
SM
MD
LG