Accessibility links

Yevropa Berlege Qıtayğa qoral satu tıyuın ğämäldän çığaruda Quşma Ştatlar belän awırlıq kürmi


Cakarta. Yevropa Berlege komissiäsendä tışqı mönäsäbätlär öçen cawaplı Benita Ferrero-Waldner, Yevropa Berlege üzeneñ 15 yıl buyı Qıtayğa qorallar satu tıyuın barıber ğämäldän çığaraçaq häm bu mäs'älädä Washingtonnan nindi dä bulsa cawap çaraları kötmi dip belderde. Bügen ul İndoneziä başqalasında, kiläse atnalarda Yevropadan maxsus wäkillek Quşma Ştatlarğa barıp, Washingtonnıñ, qoral satu tıyuın beterü Könçığış Aziädäge qüwät bizmänen bozır digän qurquların taratırğa tırışaçaq dide. Bu uñaydan borçıluın, ayırım alğanda, Qıtay häm Thaiwan arasındağı xärbi balansnıñ cimerelä aluına şomlanuın Quşma Ştatlar prezidentı Bush beldergän ide. Washingtondağı kongressmennar isä Yevropa Qıtayğa qoral satu tıyuın betersä, saqlanu ölkäsendäge urtaq xezmättäşlekne taraytu belän kisätte. Ferrero-Waldner belderüen bügen Thaywan prezidentı Çen Şui-bian da tänqitläp çıqtı. Ul, ägär dä üz demokratiäse häm ireklege belän ğorur bulğan Yevropa Berlege aqça artınnan quıp zalim xakimiatkä qoral sata ikän, demokratiä öçen bu oyat bulırğa tieş dip belderde.
XS
SM
MD
LG