Rusiä 2006 yıldan başlap Moldovağa arzan gaz birüen tuqtataçağın belderde. Gazprom citäkçese urınbasarı Aleksandr Rumänsev süzlärençä, Gazprom Moldovağa gaznı Yevropa bäyälärenä, yağni ike tapqır qimmätkäräk sata başlayaçaq. Älege belderü - soñğı waqıtta Könbatışqaraq awışqan säyäsät alıp bara başlağan Moldova prezidentı Vladimir Voroninnıñ parlamentta ütäçäk saylanuına berniçä kön qala yasaldı.