Bagdad. Ğiraq premyer-ministrı İbrahim äl-Cäğfäri, ildä iminlekne nığıtu öçen xökümät xälennän kilgän barın da eşliäçäk, ul xätta ğädättän tış xäl dä iğlan itä ala dip belderde. Ul arada ildä çualışlar däwam itte - yäkşämbedä qorallı ğisyançılar Bagdadta transport ministrlığında eşläwçe yuğarı däräcäle ber xezmätkärne häm anıñ şoferın atıp üterde. Ğiraqtağı amerikan köçläre bar il buylap ütkärelgän ğäskäri çaralarda 109 çikle keşene qulğa aluın xäbär itte. Quşma Ştatlar xärbiläre şulay uq, Süriä çige yanında Äbu Musa äl-Zarqawineñ terror çeltärenä bäyle buluda şiklänelgän 6 keşene yuq itüen belderde.
