Malaysiäneñ AİDS-SPİD şurası prezidentı Marina Mahathir, Afrika häm Aziädä AİDS qorbannarı – küpçelek xatın-qızlar, monıñ säbäbe – saqlanu çaraları qullanmaw, köçläw, dip belderde.
Könçığış Aziädä VİÇ infeksiäsen yoqtırğan xatın-qızlar sanı soñğı ike yılda 56%qa artqan. Xäyerçe illärdäge xatın-qızlar iñ awır xäldä, çönki anda alarğa aşaw yä aqça öçen censi mänäsäbätkä kerüdän başqa yäşäp qalu yulı yuq.
Şura prezidentı täqdim itkän xäl itü çaraları arasında – yäş xatın-qızlarğa belem alu mömkinleklären tudıru, censi çirlär turında belem birü, xatın-qızlarğa matdi bäysezlekkä ireşergä yardäm itü öçen maxsus programmalar buldıru.
Bügen Malayziä başqalası Kuala Lumpurda xatın-qızlar xoquqlarına bağışlanğan ike könlek xalıqara cıyın açıldı.
