Mitrovica, Kosovo. Töbäkneñ tönyağındağı şuşı şähärdä bulğan millätara bäreleşlärdän soñ anda ike alban häm ber serb qulğa alınğan. Alınğan xäbärgä qarağanda, çualışlar, Mitrovica serbları albannar utırğan maşinağa taşlar atqannan soñ başlanıp kitkän, albannar moña ike serb maşinasına taşlar atıp cawap qaytarğan. Şunnan soñ Berläşkän Millätlär politsiäse tıqşınırğa mäcbür bulğan. Cäräxät aluçılar xaqında mäğlümat yuq. Mitrovica aşa aqqan yılğa şähärne ike öleşkä - serblar yäşägänenä häm albannarnıqına bülä. Düşämbedä Berläşkän Millätlär anda ike öleşne totaştırğan küperne ğadi xalıq maşinaları öçen dä açqan ide. Serblar albannarnıñ üz öleşenä kilüen bik telämi.
