BMOnıñ keşe xoquqları torışın tikşerüçelär törkeme AQŞnı Äfğänstan, Ğiraq häm Guantanamoda amerikan qaramağındağı törmälärgä barıp totqınnarnı kürü turındağı möräcäğätlärenä cawap birmäwdä ğäyepläde.
BMOnıñ keşe xoquqları komissiäsenä xisap äzerläwçe bu törkem bu belderüen bügen Genevada iğlan itte.
Anda Quşma Ştatlar ul ullärdäge amerikan xärbi totqarlaw urınnarındağı azaplawlar, qanunsız totqarlawlar häm başqa xoquq bozu oçraqları turındağı citdi ğäyepläwlärne tikşerü öçen ber yıl elek cibärgän möräcäğätkä cawap birmäde dielä.
BMO xoquq tikşerüçeläre azaplawlar häm başqa xoquq bozular turındağı ğäyepläwlärne tikşerü öçen dönyaküläm BMO mandatına iä.
