Qıtay tışqı eşlär ministrlığı, Amerika Quşma Ştatları, Üzäk Aziäneñ ğaskärlärne çığarırğa digän möräcäğäten xörmät itergä tieş, dip belderde. Ministrlıqnıñ matbuğat wäkile Liu Jinçao süzlärenä qarağanda, Üzäk Aziä Quşma Ştatlar citäkçelegendäge terrorğa qarşı çaralarda qatnaştı, ämma xäzer wazğiät üzgärgäç xärbi köçlärne çığaru mäsäläsen qararğa kiräk. Uzğan atnada Şanxay Xezmättäşlek Oyışması Qırğızstan, Taciqstan häm Üzbäkstannan ğäskärlärne çığarunı sorap Waşingtonğa möräcäğät itte. Oyışmağa Rusiä, Qıtay häm Üzäk Aziäneñ 4 däwläte kerä. Qırğızstannıñ yaña prezidentı Bakiyev ta kiçäge matbuğat oçraşuında ğaskärlärne çığaru kiräklege mäsäläsenä tuqtaldı. AQŞtan älegä cawap bulmadı.
