Accessibility links

Кайнар хәбәр

London şartlawlarına qatnaşı buluda şiklänelgän Mähdi Äl-naşar qulğa alındı


Londondağı terror höcümnären oyıştırırğa yärdäm itüdä şiklänelep ezlängän ber keşe Mısır başqalası yanında qulğa alındı. 33 yäşlek Mısır watandaşı Mähdi Äl-naşar Amerika Quşma Ştatlarında ximiä uqığan. Britaniäneñ Leeds şähärendä universitetta ximiä uqıtqan. Polisiä häm britan agentları annan soraw aldı. Mısır xökümäte bu xäbärne rasladı. Än-naşar Britaniädän terror ğämällärenä qadär 2 atna aldan kitkän dip farzalana. Uzğan atnadağı intixar höcümnärendä Londonda 54 keşe häläk buldı. Britaniä polisiäse başlığı İan Blair, Londonda bulğan şartlawlarda "Paqstan eze bar" dip beldergän ide. İntixar höcümen başqarğan 4 keşeneñ 3se – Britaniädä tuğan paqstanlılar ide, 4nçeseneñ tuğan urını Jamaica, dip xäbär itelä. Paqstan Britaniä tikşerüçeläre belän xezmättäşlek itüen belderde.
XS
SM
MD
LG