Bügen Ğiraqnıñ könyağındağı Basra şähärendä Britan diplomatik konvoyı yulğa quyılğan şartlatqıçqa yulığıp 2 britan saqçısı hälak buldı.
Basradağı konsullıq süzçese şartlaw konvoy şähär aşa uzıp barğanda buldı dide.
Şartlaw näticäsendä başqa berär keşegä zarar bulğanmı-yuqmı ikäne açıq tügel.
Ğiraqnıñ ikençe zur şähäre Basta soñğı yılyarımda çağıştırmaça tınıç ide. İlneñ kübesençä şığıylar yäşägän könyağındağı Basra häm başqa şähärlärendä iminlek öçen Britan köçläre cawaplı.
Bügen ilneñ tönyağındağı Rabia şähäre politsiäse kiçäge intixarçı şartlatuınnan ülüçelär sanı 40-qa, yaralanuçılar 57-gä citte dide.
