Colombo. Sri Lanka xökümäte ildäge ğisyançı Tamil Yulbarısları törkemeneñ tışqı eşlär ministrı Lakşman Kadirgammarnı üterügä qatnaşı bulmawın äytkän belderüen kire qaqtı. Xökümät wäkile bügen, 73 yäşlek ministrnı atıp üterü, Norvegiä aradaşlığında alıp barılğan solıx söyläşülären yañartunı tuqtatu tırışlığı bulıp tora dip belderde. Colombodağı üzäk xökümätkä qarşı ine 20 yıldan artıq köräş alıp barğan Tamil Yulbarısları xäräkäte, ministrnı üterüçelärne xökümät üz eçennän ezlärgä tieş digän ide. Tışqı eşlär ministrı üterelü säbäple xakimiat bar ildä ğädättän tış xäl kertte.
