Ukraina prezidentı Viktor Yuşçenko xökümätneñ yuğarı räsmiläre belän oçraşıp xökümätne korrupsiädä ğäyepläwgä bäyle krizis turında söyläşülär ütkärde.
Bügen Ukraina parlamentınıñ yaña utırışı açılğanda parlament räise Volodimir Lıtvın prezident Viktor Yuşçenko xökümäten tänqitläde.
Lıtvın xökümät yañaça eş itkän sıman kürensä dä çınlıqta näq elekke prezident Leonid Kuçma xakimiäte kebek eşli dide.
Parlament räise şulay uq xökümätne statistikanı bozıp kürsätüdä, säyäsi totrıqsızlıqta, iqtisadıy torğınlıqta häm tışqı säyäsättä uñay näticälärgä ireşmäwdä ğäyepläde.
Yuşçenko bu yıl başında xakimiätlä kiler aldınnan häm annan soñ üzeneñ töp säyäsi maqsatı korrupsiägä qarşı köräş buluın belderde. Uzğan şimbä könne Ukrainanıñ däwlät sekretare Oleksandr Zinçenko wazıyfasınnan kitte häm şunnan soñ xökümät räsmilären korrupsiädä ğäyepläde.
