Yaponiädä yäkşämbe parlament saylawlarında ciñgän premyer-ministr Junichiro Koizumi, qarşılıqlı poçta reformaların däwam itäçägen belderde.
"Poçtanı xosusilaştıru belän berrättän min başqa reformalarnı da alğa söräm. Reformalarnı ğämälgä aşıruda miña 4 yıllıq täcribä yärdäm iter, dip ömetlänäm. Barığızğa da mine yaqlağanığız öçen räxmät, bu wazifada qalğan tağın 1 yılda sezdän kiñäşlär kötäm. Zur räxmät."
Koizuminıñ Liberal Demokratik firqase 480 keşelek parlamentnıñ tübän palatasında 296 urınnı alaçaq. Berektäşe Yaña Komeito firqase belän berlektä, Koizumi partiäse parlamentta küpçelekne täşkil itäçäk, häm yuğarı palata qanunğa qarşı bulsa da – monıñ täesire bulmayaçaq.
Koizumi, Liberal Demokratik firqase prezidentı urınınnan 1 yıldan, mäddäte çıqqaç kitäçägen qabatladı.
