Äfğänstanda parlament saylawlarınıñ waqıtlı näticälären iğlan itü başlandı

Äfğän saylaw räsmiläre sintäberdä ütkän parlament saylawlarınıñ berençe waqıtlı näticäläre kürenä başladı dip belderä. Räsmilär äytüençä, 299 tawış birü urınında xärämläşüneñ açıq bilgeläre bulu säbäple alar isäpkä alınmıy. Tağın 700 tawış birü tartması ayırıp alınğan häm äle dä tikşerü astında. İldä barlığı 27 meñläp tawış birü urını buldı. BMO - Äfğän urtaq saylaw şurası süzçese Alim Siddiqi bügen Azatlıq radiosına "sanaw tämamlanu belän bez äle Nimruz häm Färrah wilayätlärendäge waqıtlı näticälärne genä iğlan ittek. İkese dä ilneñ könyağında. Barlıq 34 wilayättä dä tawış birülärneñ waqıtlı näticälären aldağı 7 kön eçendä iğlan itergä cıyınabız. Härber wilayättä xalıqqa saylaw näticälenä qarşı çığu öçen 5 kön mömkinlek birelä. Ägär ber şikayät tä kilmäsä, waqıtlı näticä BMO-Äfğän saylaw şurası tarafınnan raslanaçaq" dide.

Siddiqi Azatlıqqa näticälär çığaru 22-nçe üktäbergä tämam bulır dip ömetlänäbez, ämma ul ay axırına qädär dä suzılırğa mömkin dip belderde.