Accessibility links

Kärimov Putinğa yaqlağan öçen räxmät belderde


Üzbäk prezidentı İslam Kärimov Ändican şähärendä may ayında bulğan çualışlardan soñ üzen yaqlap çıqqan öçen Rusiä prezidentı Vladimir Putinğa räxmät belderde.

"Küptän tügel Üzbäkstanda Ändican waqıyğalarına bäyle räweştä çıqqan problemalar kemneñ kem buluın bik açıq itep kürsätte. Häm bu uñaydan Rusiä tağın ber märtäbä üzeneñ ışançılı buluın kürsätte" dide Kärimov.

Kärimov monı Piterburda Üzäk Aziä Xezmättäşlek Oyışması sammitı çitendä Putin belän oçraşu waqıtında äytte. Şul şulay uq Rusiä belän Üzbäkstan berektäşlär bulırğa tieş dide. Putin Kärimov belän iqtisad häm iminlek xezmättäşlege turındağı söyläşülärdän qänäğät qaluın belderde häm Üzbäkstan terrorğa qarşı xalıqara suğışnıñ alğı sızığında tora dide. Rusiä Ändican kütäreleşen qanlı bastırunı bäysez räweştä tikşerergä digän xalıqara taläplärgä quşılmağan ide.
XS
SM
MD
LG