Dönya Sälamätlek Oyışması räsmie Yewropada qoş kizüeneñ başqa urınnarda da tabıluı kötelä, kiläçäktä bu viruslar bigräk tä Gretsiä belän Ukrainada tabılırğa mömkin dide.
Oyışmanıñ Ewropa bülege räsmie Bernardus Ganter monı Kopenhagenda belderde.
Şimbä könne Gretsiä ildä qoş kizüeneñ keşene üterä ala torğan töre tabıluı turındağı şiklär döreskä çıqmadı dide.
Ganter kizüneñ keşene üterä ala torğan H5N1 töre tabılğan illärdän, şul isäptän Xorvatiä belän Rusiädän cılı yaqqa oçuçı qoşlarnıñ yulı Gretsiä belän Ukraina aşa ütä dide. H5N1 Romaniä belän Törkiädä dä tabılğan ide.
Ganter sälamätlek saqlaw xezmätlären qoşlarnıñ cılı yaqqa xäräkäte yulların iğtibarlıraq küzätergä çaqırdı.
