Uzğan töndä Çeçnyadağı İske Atagi awılına bulğan höcümne xärbi citäkçelek – xata dip bäyäläde. Awılda kimendä 6 keşe qatı cärähätlär alğan, alar arasında 2 yäşlek qız bala bar. 8 yort cimerelgän. Çeçnyada xärbilär citäkçelege wäkile Grigory Fomenko, höcüm – artilleriäneñ yalğışuı arqasında buldı, alarnıñ xädäfe – bötenläy başqa cirdä urnaşqan xärbi baza ide, dip belderde. Xärbi prokuratura bu xälne tikşerä başladı. Prezident Alu Alxanov, kiläçäktä mondıy xatalar eşlänmäsen öçen wazğiätne öyränergä quştı.
