Tähran -- Xalıqara atom energiä idaräseneñ möxim utırışı aldınnan, İran, Quşma Ştatlarnıñ yaña ğäyepläwen kire qaqtı. Amerikan räsmiläre -İran atom qoralın buldıru yünäleşendä citdi täräqqiätkä ireşkän dip beldergän ide. İrannıñ Tışqı eşlär ministrlığı süzçese Xämit Riza Asefi bu ğäyepläwlärne çirattağı "safsata" dip atadı. Elegräk Rusiäneñ İminlek şurası sekretare İgor İvanov, Büşärdäge reaktor kiläsı yılnıñ axırına eşli başlarğa tieş digän ide. Xalıqara atom energiä idaräse 24 Noyäber utırışında İrannıñ atom programmasın Berläşkän Millätlärneñ İminlek Şurasına çığaru mäsäläsen tikşerergä cıyına.
