Qahirä. Ğiraqtağı şaqtıy ğına säyäsi partiälärneñ citäkçeläre Mısır başqalasında, Ğiraqnı totrıqlandıru maqsatında tatulaşu söyläşülären başlap cibärde. Öç kön buyı baraçaq şuşı söyläşülärne Mısır prezidentı Xösni Möbäräk açtı. Üz çığışında ul milli tatulaşunı Ğiraqnıñ totrıqlı cämğiat qoruı öçen möhim ber şart dip atadı häm bu eştä Ğiraqnıñ bar ulları da qatnaşırğa tieş dip belderde. Läkin Ğiraq prezidentı Cäläl Talabani milli berläşügä "elekke xakimiat tarafdarları" häm dini radikallar qatnaşa almıy dip äytte.
