New York -- Berläşkän Millätlär Ğömüm Mäcleseneñ Sotsial häm humanitar mäsälälär komitetı, Üzbäkstan räsmilären, Ändican xällärenä şahadatlıq itkän keşelärgä basım yasawnı tuqtatırğa çaqırdı. Komitet qararında äytelgänçä, Üzbäkstan xökümäteneñ bäysez tikşerüne kire qağuına BMO borçılu belderä. Komitet wäkile Xose Dias, bez, Üzbäkstan räsmiläre bu qararğa iğtibar iter, bäysez tikşerügä rizalaşır häm kiläçäktä Ändican belän bäyle xökemnärne küzätep barırğa röxsöt iter dip ömetlänäbez, dide. Üzbäkstan räsmiläre, Ändican waqiğalarında 17 keşe häläk buldı dip belderä. Bäysez küzätüçelär fikerençä, qorbannar sanı 500 çaması.
