Accessibility links

Xoquq oyışmaları Britaniä belderüenä qarşı


Rusiä häm könbatıştağı xoquq oyışmalarınnan torğan ber törkem Yevropa Berlege räiselege wazifası başqarğan Britaniäneñ, Çeçnyada uzğan saylawlarnı xuplawına – qarşılıq belderde. Açıq xat Britaniä tışqı eşlär ministrına yullandı. Britaniä 27 noyaber könne uzğan parlament saylawların – "Çeçen cämğiätendäge törle qaraşlarnı çağıldıruğa taba möhim adım" dip bäyälägän ide. Moña protest beldergän oyışmalar , alar arasında Parijda urnaşqan Xalıqara Keşe Xoquqları Federasiäse dä bar, Britaniäneñ Çeçnyada säyäsi protsess dip atağan küreneşe, çınbarlıqta "keşe xoquqların bozu häm qatı qullı rejimnıñ näticäse bularaq urnaşqan nıq kontroldä totılğan yasalma çara" bulıp tora, dip belderde. Saylawlarda Rusiädä xakimiättäge Berdäm Rusiä firqase äğzaläre parlamentta küpçelekne aldı. Berençe vise-premyer Ramzan Qadırov kiçä partiäneñ töbäktäge baş wäkile itep saylandı.
XS
SM
MD
LG