Äfğanstan parlamentı Wolesi Jirga, 30 yılğa yaqın waqıttan soñ bügen üzeneñ berençe utırışına cıyıldı. Prezident Hamid Qarzai deputatlarnı sälamläp, yaña mäclesneñ ilneñ kiläçäge öçen möhimlege turında söyläde, deputatlarnı qarşılıqlarnı çitkä quyıp bergä eşlärgä çaqırdı. Sintäber ayında uzğan tawış birü näticäsendä parlamentqa aldınğı qaraşlı deputatlar, şulay uq qayber elekke xärbi yulbaşçılar, Taliban wäkilläre saylandı. Äfğanstan parlamentınıñ berençe utırışına AQŞ vise-prezidentı Dick Cheney dä qatnaştı. NATO häm Yevropa Berlege Äfğanstan parlamentınıñ cıyıluın xuplap belderülär yasadı, bügenge könne – "tarixi waqiğa" dip atadı.
