Çeçnyanıñ könçığışındağı Şelkovskoy rayonında säbäbe bilgesez çir belän awıruçılar sanı 73 keşegä citte. Alarnıñ 3tän ike öleşe balalar, kübese qızlar. Kimendä düşämbegä qädär böten mäktäp häm balalar baqçaları yabılğan. Awırularnıñ közän cıyıru küzätelä, küñel bolğana häm hawa citmi. Çeçnyanıñ baş prokurorı Valeri Kuznetsov, belgeçlär ximik ağulanu oçrağın kire qaqtı, dip belderde. Töbäktä radiasiä däräcäse normadan artıq tügel. Anıñ süzlärenä qarağanda, çirneñ säbäbe – ozın möddätle psixoligik krizis. Tabip Musa Dalsayev, bu awırular – ağulanğan, dip äytep bulmıy, dide: "Bez monda küzätkän awırular närsä belän bulsa da ağulanğan dip äytep bulmıy.Bu oçraqnı psixogenik, yäisä medetsina kitaplarında yazılğança, sosiogenik dip atap bula," dide tabip.
Şuşı awıru belän berençe keşe Çeçnyada 16nçı dikaber könne terkälgän ide.
