Төркия президенты Рәҗәп Эрдоган Татарстан президенты Рөстәм Миңнехановка Республика көне уңаеннан котлау җибәрде. Котлау хатында Эрдоган Төркия һәм Татарстан хезмәттәшлеге ныгый барыр дигән өмет белдерә. Шулай ук Татарстанны Төркия-Русия мөнәсәбәтләренә аерым өлеш кертүче “кардәш төбәк” һәм “якын партнер” дип атады. Бу хакта Төркиянең Казандагы баш консуллыгы хәбәр итә.
Билгеле булганча 2011 елда Эрдоган премьер-министр булганда Татарстанга килгән иде. Ул Казан Федераль Университетында укытучылар һәм укучылар алдында чыгыш ясады. Үз чыгышында Габдулла Тукайның “Туган Тел” шигыреннән өзек тә укыды.
