Ел йомгакларын быел укучыларыбыз белән ясарга булдык. Азатлык узган елның иң әһәмиятле вакыйгаларын, шау-шуларны барлап, аларга тавыш бирергә чакыра. 2018 ел сезнең өчен нинди вакыйгалар белән истә калды? Ел шәхесе дип кемне дип атар идегез? Азатлык сораштыруында катнашырга чакырабыз.
ЕЛ ВАКЫЙГАСЫ
- Футбол дөнья беренчелегенең Русиядә, шул исәптән Казанда үтүе.
- Кытайда мөселман халыкларын, шул исәптән татарларны эзәрлекләү, "тәрбия үзәкләре"нә ябу.
- Русиядә туган телләрне ихтыяри укыту канунын кабул итү.
- Татарстан көнендә беренче тапкыр бөтен Казан кирмәнендә узган чара – TAT CULT FEST фестивален үткәрү.
- Казанда "Сөембикә" операсы премьерасы.
- "Ак барс"ның Гагарин касәсен яулавы.
ЕЛ КЕШЕСЕ
- Нурбәк Батулла
Актер, биюче, 2018 елда "Әлиф" спектаклендәге роле өчен "Алтын битлек"кә лаек булды. Татарстанда роле өчен бу премия алган беренче кеше. - Руслан Айсин
Сәясәт белгече, җәмәгать эшлеклесе. 2018 елда туган телләрне ихтыяри ясау канунына каршы инициатив төркемен башлап җибәрүчеләрнең берсе, Русия милләтләре хокуклары өчен көрәшкән "Русия халыклары демократик конгрессы"н оештыручыларның берсе. - Фаил Алчынов
Башкорт милли хәрәкәт активисты, "Башкорт" оешмасы җитәкчесе. 2018 елда башкорт халкы хокуклары өчен актив көрәш алып барды. - Алексей Венедиктов
Русиядә билгеле журналист, "Эхо Москвы" радиосы мөхәррире. 2018 елда Русиядәге милли телләрне яклап чыгышлар ясады, "Эхо Москвы" федераль радиосында татар телен өйрәнү тапшыруын булдырды. - Илдар Гыйлметдинов
Русия думасына Татарстаннан сайланган депутат. 2018 елда берничә тапкыр татар теле мәҗбүри укытылырга тиеш дип белдерде, Думада туган телләрне мәҗбүри өлештә калдыру буенча эш алып барды. - Рәфис Кашапов
Татар милли хәрәкәт вәкиле. 2018 елда иреккә чыгып, чит илгә күченде, "Азат Идел-Урал" хәрәкәтенә нигез салучыларның берсе. - Алинә Заһитова
Татар спортчысы. 2018 елда Олимпиадада алтын медаль яулады, берничә рекорд куйды. - Элвин Грей
Татар һәм башкорт җырчысы. Татар телендә җырлаучы иң популяр башкаручыларның берсе, Казанда аның концертына 9 мең кеше җыелды. - Әлфрид Бостанов
Галим. 2018 елда Коръән тәфсирен татарча нәшер итте.
ЕЛ ГАУГАСЫ
- "Марҗа" язулы футболкалар чыгару
- Мәрҗани һәйкәлендә урыс телендә генә язу
- Һава аланнарына исем бирү тирәсендә шау-шу
- Милли китапханәне "Казан" милли-мәдәни үзәгенә күчерү
- Милли университет урынына КФУда мәгариф мәктәбен булдыру
- "Әкият" театрының Яңа ел алдыннан татар тамашаларын куймау
Хөрмәтле укучылар, тавыш бирү 29 декабрьгә кадәр дәвам итәчәк. Безнең исемлеккә керми калган башка вакыйгалар, шәхесләр булса, аларны Азатлык форумында язып калдыра аласыз.
