Accessibility links

2022 елда кемнәрне югалттык


Азатлык татар-башкорт дөньясының 2022 елда вафат булган билгеле шәхесләрен искә ала.

2022 ел күпләр өчен кайгылы ел булды. Русиянең Украинага каршы сугышы меңнәрчә кешенең гомерен өзде, миллионнарча кешенең тыныч тормышын тар-мар итте. Бу Украина, Русия, башка илләрдә яшәүче халыкларга зур сынау елы булды, ул күп югалту һәм күз яшьләре китерде.

Ләкин бу язмада без сугышка бәйле югалтулар турында сөйләмибез. Ул югалтулар турында Азатлыкның махсус проекты эшләп килә. Без исә татар-башкорт дөньясында булган югалтуларны телгә алабыз.

2022 елда бакыйлыкка күчкән шәхесләр күп булды. Аларның һәрберсе уникаль, алар барысы да милләт, тел, фән, сәнгать үсешенә күп көч һәм тырышлык куйган кешеләр. Безнең белән исә аларның гамәлләре, хезмәтләре кала.

Шулай ук дөнья өчен 2022 ел Совет берлегенең беренче һәм соңгы президенты Михаил Горбачев үлеме белән дә истә калачак. Сентябрь аенда бөтен дөнья Британиянең символы булган патшабикә Елизаветта IIне соңгы юлга озатты. Украина өчен сынау булган бу елда илнең беренче президенты Леонид Кравчук та бакыйлыкка күчте. АКШта танылган дипломат Мадлен Олбрайт, Русиядә каршылыклы сәясәтче Владимир Жириновский өчен дә бу ел соңгы булды. Япониянең элекке премьер-министры Синдзо Абэны чыгыш ясау вакытында урамда атып үтерү исә бар дөньяны тетрәтте.

Авыр елны озатканда, бакыйлыкка күчкән шәхесләрне бергә искә алыйк.

2022 елда вафат булган шәхесләребез
please wait
урнаштыру коды

No media source currently available

0:00 0:02:49 0:00

ТАТАР-БАШКОРТ ДӨНЬЯСЫНДА ВАФАТ БУЛГАН БИЛГЕЛЕ ШӘХЕСЛӘР

🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!

Форум

XS
SM
MD
LG